عصام صاصا يكشف قصة تعرضه وزوجته للابتزاز وحقيقة طلاقهما

القاهرة- مصراوي:

كشف مغني المهرجانات عصام صاصا عن تعرضه هو وزوجته للابتزاز من صديق مقرب له.

وقال عصام صاصا خلال استضافته في برنامج أسرار الذي تقدمه المذيعة أميرة بدر المعروض على قناة النهار: "قصتي أنا وجهاد مراتي، إني اتعرفت عليها عادي وكنت وقتها بدأت أتعرف شوية، وبحارب عشان أشوفها، ومرة قالت لي أنا في كافيه، رحت وعملتلها مفاجأة".

وقال عصام صاصا: "كنا بنتكلم أنا وجهاد بنقول عايزين نتجوز في حضور صاحبتها، وصورنا فيديو واحنا بنكلم مأذون في التليفون قالنا نقول إيه، ولما اتخانقت معاها نزلت الفيديو".

وأشار عصام إلى تعرضه وزوجته لابتزاز من صديق مقرب، إذ خدعهما الأخير أثناء التوقيع على أوراق تخص الزواج، واستخدم التوقيع في تزوير إيصالات أمانة، وطالبهما بدفع مبلغ مليون جنيه "واخدت براءة منها أنا وجهاد".

وتابع "صاحبي اللي عمل كده كنت واثق فيه جدًا، وطلب مني مليون جنيه، ولما واجهته قالي عشان غلطت في والدته".

وعن علاقته بزوجته خاصة مع انتشار أنباء انفصالهما ثم عودتهما، قالت "عمري ما أخون مراتي أو أتجوز اتنين، لان الجواز ده لازم تكون فاهمه عشان تعمله، وربنا كرمني عشان مراعي ربنا في بيتي، وموضوع طلاقي من مراتي ده إشاعة".

برنامج "أسرار" تقدمه المذيعة أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، وتستضيف من خلاله عدد من نجوم الفن والرياضة في مصر.